صغيرة قناديلنا .......والليل كبير.
مهما ضويناها.........ماتنور عتماتو.
ودروبنا طويلة......ولساتنا منسير.
خطواتنا خجولة.مقابيل مسافاتو.
وطرقاتنا أشواك.....وكلاتها تعثير.
والآمل موجود......وبعيدة عتباتو.
أحلامنا صغيرة....آحلام عصافير.
غصن زيتون أخضرنعيش بظلاتو.
ونغرد بفرح وطرب.عالصبح بكير.
مانشوف لاصياد.يلاحقنا بطلقاتو.
وجتنا رياح قوية....كأنها أعاصير.
ودمرت لعشنا.........ونثرت قشاتو.
ورمتنا على البلاد..والجنح صغير..
مايقوي عالطيران.زغبات ريشاتو.
مات الآمل فينا....من قبل مانطير.
من كثر مالزمان......لوعنا بخيباتو.
...
جرناس حوران ابوشاكر
ليست هناك تعليقات:
إرسال تعليق