بكن فيكون
***....***....***....***
أمره بين الكاف والنون
كل حرف أكيد موزون
المتحرك والمسكون
قولوا سبحان رب الكون
مالك الملك والملكوت
نفخ الروح وخلق الموت
هو الخالق هو الرازق
هو الباقي وغيره هيموت
بكن فيكون
خلق الناقه م الأحجار
ونجى يونس بالأذكار
قبل الموت في بطن الحوت
ونجى لوط من الأقذار
نجى نوح يوم الطوفان
وأغرق إبنه بالعصيان
والكفار والأرض. دمار
بسفينه تنزل في أمان
بكن فيكون
نجى إبراهيم من نار
وخلى النار برد وسلام
كسر أصنام الأحجار
والدين كان هو الإسلام
نجى موسى من فرعون
وأغرق الطاغيه في الموج
نزلت ميه عيون. وعيون
بقدرة ربنا. رب. الكون
بكن فيكون
عيسى كان ب يحيي الموتى
ب أمر الله
وكان بيرجع بصر الأعمى
ب أمر الله
أمه مريم ومالوش أب
بأمر الله
والأكمه والأبرص يشفى
ب أمر الله
شوف زكريا وامراته عاقر
جاتله البشرى بيحيى استبشر
والست مريم تاكل الفاكهه
بأمر الله ولله تشكر
بكن فيكون
نجى محمد جوه الغار
والكفار شيفينه بعيون
ونصره في بدر على الكفار
وخلا الإسلام يملا الكون
شمس بتطلع متغيب يوم
قولوا سبحان مالك الكون
عارف الظالم والمظلوم
وأمره بين الكاف والنون
***....***....***....***
بكن فيكون
بقلمي الحاج هلال
ليست هناك تعليقات:
إرسال تعليق