ياحب ضب جناحك فوق القلب
وارتاح ...
طول نصيبك ما أجا وبعدو العنب
ما صار...
قديش دقدقت عبواب تفتحلك ...
وتسكرت شبابيك منسية
بكيت بسهرها لحد
ماتنهار
ياقلب روق في بعد همس ودمع...
وحلا هونيك صعب القلب
يختار...
من يومها بعدا ناطرة بين
الهوى والهم...
ولفتة عتب بعيونها
بتبكي وجع وتغار
قديش قلبا ع ييقطر شوق
عايش عشوية حكي وبتمرغ
بهالقلب...
عاالجمر مثل النار
وقديش صرلا ملبكي عم
تلملم بحالا بترد غرتها
وبتربط الزنار...
شالا عم يلوح وأيدين مشغولة
ملونة بحنا.... ومسكة
بالغار
يا لناطرة هونيك بعدك عم
عم تجرحي بهالقلب ليل
نهار..
وعم يرفرف غلاك بهالروح
بجناح حنية...مثل طير القطا
لو طار...
من يومها سهر القمر ع بواب
دنيتنا جايب معوا بسمات
محملة ب سرار
بدو يشوف قصتنا من بكير
كيف عم يكبر ويفتح بهالحب
بعدو زرار
وياسمينة عم تعرش ع قلوب
ليلية بتنثر هواها بين الولف
والجار.
وفي وردات عالحيطان متكية
بتفرش فروعا المزينة
بقمار.
وينده من هونيك صوت غنية
يرندح بموال عموبيقول
يلا سوا لنكمل
المشوار...
عم بحلم بعيون ساكنها فرح
وريم مرمشي بجفن الحلا
عم تسرح
ب هالدار...
بقلمي : مفيدأبوفياض.
ليست هناك تعليقات:
إرسال تعليق