..........................
طوبه جايه بعد امشير
معها نبوت الغفير
والله لسه نهاية القصه
عند القدس وعند الأقصى
وربك عالم إيه هيصير
ليه امشير سابق يا طوبه
عند باب الست زوبه
ناويي إعلان الخطوبه
طوبه تملى كل زير
ومانعه ليه شرب الفقير
مسكين وعطشان جعان
وامشير كان الخير. كتير
ياما جابلك ف الخطوبه
ميه نيلي للغيطان
تسقي متلاقيش صعوبه
ورد بلدي والعيدان
طمي كان فيه الخصوبه
تحكي ألوان النخيل
تمر أصفر تمر أحمر
وضله نازله ع السبيل
لاجلي يشرب المسافر
ميه بارده سلسبيل
والقمر ما كنش حاضر
فين ياليل تاه البديل
غامقه ليه كل المناظر
والنجوم معها الدليل
والدليل مع طير مهاجر
طيرها طار في قعر بير
مستنيها تيجي طوبه
وطوبه جايه بعدامشير
بس جايه في الصعوبه
حوجه والدراع قصير
عين بصيره وإيد قصيره
والنصيب لازم يصير
والمحتاج عايش في حيره
واعمل ايه ياحاج زير
دبريني يا مشيره
يشرب إزاي الفقير
ميه ناشفه في البحيره
والقنايه تملى بير
والشجر واقف في حيره
مش عليه ولا عش طير
والطيور فيهم أميره
والقفص فيه طير أسير
والخطوبه كات في طوبه
والعروسه عامله كوشه
والمطر نازل غزير
واللي واعي م المداعي
راح يخدها من قصير
قال ياطوبه هي توبه
ومنك لله يا أمشير
بهدلونه في الرطوبه
في الغسيل وفي النشير
والقصه الاقصى والقدس
بكره غير اليوم والأمير
والعالم. هو. القدير
إيه. هايجرى والمصير
وطوبه جايه بعد امشير
.....................
بقلمي الحاج هلال
ليست هناك تعليقات:
إرسال تعليق