/ لمّا الأماني تموت / محكي
ممنوع وقت تصير برّات السطر
وماشي بزمن ملغوم
إنك ياصاحي تفوت من باب العصر
متل الظرف مختوم
ولمّا الأماني تموت ويشح الفكر
يعني الأمل معدوم
وعنقود كرمك ما بقى يعصر خمر
الناطور مالو لزوم
ولمّا الشجاعة فيك توصل للصفر
يعني إنت مهزوم
وكل الوقت هربان ع دروب العمر
أمرك صفي محتوم
ما بتهتدي بين الهزيمة والنصر
بحكم الفشل محكوم
وبين الإرادة ضايع وبين الصبر
ولو نزّلوا ع بوابك قمار السما
أو فوق صدرك علّقوا بيدر نجوم . عيسى فضة
ليست هناك تعليقات:
إرسال تعليق