محكية عن الكلمة
..................
كالسيف القاطع كلماتك
فكر فيها. بكل حساباتك
دوق الطعمة قبل الكلمة
واعتقها وحكي حكياتك
الكلمة لونها متل الزهرة
وريحتها. بتشفي علَّاتك
إياك. . تخربط الحروف
بترجع... عا أول درجاتك
الكلمة هي شمعة تضَّوي
بعناية أسرج... شمعاتك
الله بكتابو.......... أوصانا
وعن كل السفايف .نهانا
وعطانا العقل ..وهدانا
إن بدك....... جنة رضوانا
لسانك اعقله ...بسهراتك
مفتاح الجنة عندك كلمة
ودخول جهنم في كلمة
وقضاء الله ...كلو بكلمة
والنور العالي .بس بكلمة
فكر .ودونها بكل رواياتك
الكلمة صوتا .متل المدفع
مرة بتخسف ومرة بترفع
ومرة بتظلم ..ومرة بتلمع
ولما طبول الحرب بتقرع
وجيوش العالم ....تتجمع
بكلمة بتهزمها.......وحياتك
(عبد الرحمن خضور)
ليست هناك تعليقات:
إرسال تعليق