/ قومي ارجعي / محكي
لمّا كنت بين الوعي واللاوعي
صوتك مرق متل الصلى عامسمعي
وج الصبح . . قبل الشمس ماتفيق
خيالك لمع متل القمر عا مدمعي
استنفر حنيني توهّج بقلبي حريق
بعز الشتي والبرد يندهلك تعي
رسمتلّك من رموش خارطة الطريق
بكل الفصول بحبك تكوني معي
شهوة عشق مجنون عن حق وحقيق
حبل الوصل بيناتنا لا تقطعي
تنرجّع اللي راح والحب العتيق
قومي ارجعي حاجي عيوني توجّعي
حبك شهد معسول عا تم الرحيق
بشرب من شفافك . .عسل عرّيق
وما بخاف قلبي يشيب ع غيابك أنا
ناطر ع باب الشوق حتى ترجعي. عيسى فضة
ليست هناك تعليقات:
إرسال تعليق