هواره( أغنية محكيّة)
هور يابو الهوارة
يا دين أبوها الهوارة
شو عملو بعض التجار
مع كورونا وأسراره
...
خافو الله يا تجّار
جننتو كلّ الأسعار
صرتو أحقر من الدولار
بالنداله/ي الصداره
...
معنا مصاري ما فيش
بفضلكم صرنا دراويش
شغلكم شغل تحشيش
طمع وخسّه وحقاره
...
تهدّا شويّه يابن الناس
ولّا ما عندك إحساس
لاتساوي متل الأنجاس
باعوا البلد بسيكاره
...
شواللي جرى واللي صار
عم تاكل متل الاعصار
لا تتحجج بِ الحصار
وعَ أهلك تعمل غاره
...
هي كورونا يا حباب
ناطرتك قدام الباب
كفنك أبداً مالو جياب
انشالله فهمت العباره
.. محمد عزو حرفوش..
ليست هناك تعليقات:
إرسال تعليق