رح قول كلمة والحكي موزون
عيدك يا أضحى مبارك وميمون
فيك الأماني وبهجة الأطفال
انشالله يا وجه الخير رح بتكون
حامل من الإسلام راحة البال
وزهوة فرح للمؤمن المحزون
يا عيد شوف الحال والأحوال
صرنا بزمن محظور مش مأمون
بزحمة شقى بيتجرّح الموال
ضاع الأمل بعجقة وقت مجنون
بدّي معك إبعت أنا مرسال
كتروا الضحايا والضهر مطعون
اعذرني السني يا عيد سامحني
بحضن الوطن عايش أنا ومديون .
- عيسى فضة -
ليست هناك تعليقات:
إرسال تعليق