ع الدرب انطرتها لرؤيتها سعيت
رسم خيالها على الأرض لاح لي
كنت رافقها خفية لتوصل البيت
احرسها خايف من والدها البهدلة/ي
بتمنى لو لحظة ومعها حكيت
نتلاقى مثل العشاق و نتعللي
صافحتها ويدي بيدها حطيت
فاح عطرها و ياهلا قالت إلي
هرب الكلام أوخرست و اعتليت
ضحك المبسم و بالغنج تدللي
بعلمي ما غزلت أونسجت جاكيت
لكن بعيونها غزلت شباك صادنّي
كراسي خدودها خجل توردت
تنظرني بجفون مغمضة مقللي
لمّا نطق لساني حاكتني وحكيت
قلت بدي ياك حبيبة إذا بتقبلي
رأسها من الخجل ميلت وحنيت
زادت نبضات قلبها و وافق لي
..غانم ع الخوري..
٢٠١٧/٧/٢٧
ليست هناك تعليقات:
إرسال تعليق