العار يالعار
قدار وشنيار
الزلط ثقب الجيوب وهجم للديار
حكم على الثلاجة بالفراغ
والخضرة والزيت بالافراغ ولد الغدار
مابقى معلم بوزكري ولا للي يطيب خبزي بكري
والعجينة حلفت ماتخمار
جارية حلفت ماتخثار
عيب وعار
حصدوا المعيشة بالمنشار
غالية تشعل نار
وزايدة وتزيد عيش الى عشتي نهار
تسمع خبار
زمان مشانق مع قالب سكار
ماوزنّا ماشدينا عبار
ماتكلمنا مانطقنا بشوار
الصبر تحول خراب ودمار
العار يالعار
قدار وشنيار استعمروا الغلة والدار
ودموع الجيب ما محتاجة مشوار
صوط وزيد صوط علينا جمر وغبار
ݣزوال ومازوط والرابوز في يد السمسار
تايهين بين يمين ويسار
مات النقد الداتي والحوار
وللي ماعندوا كسار
والكلام والاستفسار
وعجينتنا مابغات تخمار
والزلط سكن وخذا القرار
قدار وشنيار
رضى واختيار
بين حائر ومحتار
وكل واحد لعيشتو يختار
قطعوا الماء والضو
راه كيف الليل كيف النهار
عار يالعار
شعبي مصطفى
ليست هناك تعليقات:
إرسال تعليق