غزلية محكية
سمعت هالخبر عاقنوات الفضا
زيوس التحمت بمركبه بالفضا
كيف بالفضا بيلتحموا سوا
وشوفتك متل حلم عين مغمضا
شوفي العلم وصل لأي مستوى
وحبنا بعدو تايه بزواريب الهوى
عشقنا حكي بحكي مثل طواحين الهوا
بتطحن عنين… بتطحن هوا
صرت أحسد القطاط يلي بالشارع بيتلقوا
و بيتغازلوا بالحب بحروف من نو ونوا.. ء
طالت سنين الأماني عجزنا نلتقي
ذابت الروح والقلب ع الجمر انشوى
إنتي شاطرة بس بالحكي
وبمحتوى من الغوى كبير المستوى
شو الفايده من الحب إذا مابنتلقي سوا
بعناق وتقبيل وقلب يرتوى
نويت أكتبلك شعر موزون خانتني القوى
رتبت حروف الأماني
ضاعت حروف الروى
كتبتلك بالحكي
حروف من صدك بتشتكي
ياريت لاقي لعلة عنادك دوا
بقلم : بسام منصور
يسعد مساكم جميع
ليست هناك تعليقات:
إرسال تعليق