وبعدين ..
يمتى نرد لأهلنا
ونشوف وجوه الحبايب
وترجع الدار تضحك يلتم الشمل
ويعود كل غايب
يمتى نمسح الدمع
ونضمد الجروح ترا
الحسرات صارن أنهار
تفيض وثگلت الهموم
ومصايب تجر مصايب
أحتارت بينا الأيام
شمتت الدروب وتعبنا السفر
طشرنا الوگت وماأظن بعد
ينفع ندم راحت سنين
ونذر بأثر نذر هسع يعودون
وحتى الطفل بينا صار..شايب
لاترفين ياعين ترا
يحسبون الفرح يعود
العثره عثره لو چانت بأصغر حجر
شيفيد لو نگضي الليالي
معاتبين النجم والگمر
مو رفة عين هذا الوجع
مثل نبع ينزل سِكايب
تعرفين يادنيا شقد ذبحني
القهر.. شگد الگلب شبع ندبات
مرات أنزف وتضحك عليَّ
البشر ..ماهوذنبي أروض النفس
وأعتاد شلون اعوف
صحبتي والگرايب..
نبطية فراتية ماهر مشوّح
ليست هناك تعليقات:
إرسال تعليق