أنا كل ما أجيلك
ارجع صغير
تاخدني الذكريات
ترجعني
لأجمل سنين عمري
ماهو العشق
أحوال
وأنا قلبي من صغري
ليك ياحلوه ميال
ونبتدي منين الحكايه
شوارعك ولاجناينك
ولا نخلك ال بيتمايل
ولا ريحة بحرك
غذا للروح نسايـم
دوا للقلب ال في
هواك هايـم
غروب شمسك آيه
سبحانه مبدع الكون
والخلايق
والقعده علي نيلك
تخدني لحنينك
ضمني ضمه
اصل الوله محروم
من كلمة امه
ما انا كل ما تاخدني
التوهه اجري عليك
اترمي في حضنك
اشتكي. لبحرك
يسمع بوحي
يطيب خاطري تعود
روحي
ارجع لدنيتي. أنسي
همومي
ما نا كل مااكبر اصغر
لما اجيلك يامدينني
د. عصام ابوالدهب
ليست هناك تعليقات:
إرسال تعليق