قالوا.. بكرا رح يجي العيد
ما عرفت لازم افرح ولّا ابكي؟!
كل يوم عم نصحا عَ هم جديد
والناس فتحت للهموم شركه/ي
الحزن عم يمشي بِ دم الوريد
وأطفال انسرقت عن شفافا الضحكه/ي
وهونيك في لصوص أموالها تلال
وعَ أوجاع الناس نصبوا الدبكه/ي.
ايه يا عيد بتعرف ولّا بْ خبرك؟!
صارت تيابك حلم كتار
وصار الظلم غمار غمار
سرق هدوء الليل وبهجة النهار
ومن دموع القهر عمل ويسكي.
يارب الشكوى لغيرك فيها مذلّه/ي
وحدك اللي عندك الدوا لكل علّه/ي
دخيلك رجّع الفرح لقلوب دبلانه/ي
بلكي بيرجع الفرح للعيد بلكي.
.. محمد عزو حرفوش.
ليست هناك تعليقات:
إرسال تعليق