مرار يادنيا
الشاعر حج هلال
........................
مالها الدنيا مالها وإيه اللي جرالها
كان يدوبها ماشية وليه مقلوب كيانها
مال الدنيا يا جدعان جايه ليه على الغلبان
عالفقير و عالمسكين ليه يكون محتاج جعان
يا دنيا في كل مكان ليه وقفالنا على البيبان
تاخدي من قوت الشقيان وتدي جيب الشبعان
والمريض جوة الحضيض ليه يكون عيان تعبان
هي الدنيا حالها إحنا مش في بالها
ليه الدنيا يا أحباب لينا قعده عند الباب
عالشمال و عاليمين والا رحمة والا دين
ومخليه العيشة هباب والا على بالها
ليه الدنيا يا حلوين ذلانا ريحين جيين
في الطالعة والنازلة زي المادة العازلة
يادنيا ليه العناد عاملة حداد ولابسه سواد
حتى القوت للكتكوت وبيموت من غير عداد
دنيا بصفة عامة والا ليها ذمة
ولا عهد في أي وعد والا أي. همة
إيه يا دنيا مالك ليه مشقلب حالك
واللي فينا بيكفينا وكل ده. عشانك
يا دنيا منك لله حوجتينا لخلق الله
جوعتينا و توهتينا وخلتينا نقول لله
ليه يا دنيا دالمرار مالي انا ومال الدولار
والبيوت في شبه موت والخراب في كل دار
مالها الدنيا مالها قلولوا إيه جرالها
ليه علينا و مش معانا وماشية في الإهانة
وكان يدوبها سالكة ماشية متهالكة
ليه ديسانا ومش فكرانا واحنا مش في بالها
.......................
مرار يا دنيا
الشاعر حج هلال
ليست هناك تعليقات:
إرسال تعليق