محكيّة غنائيّة.
الدنيا بتضحك..
الدنيا بتضحك للّي بيضحك
بالأمل بترويه.
واللي مكشّر والمتعكّر
مابتسألش عليه.
يا دنيا خليني بحالي
مالك ومالي.
من يوم غياب الغالي
هالقلب تسكّر.
كل العالم ولا على بالي
ولا رح افرح فيه.
الدنيا بتضحك للي بيضحك
بالأمل بترويه..
واللي مكشّر والمتعكّر
مابتسألش عليه.
الورد الّلي كان يتقدّم
كل يوم هديّه/ي
صرت شوفو متل المأتم
بيجرّح عينيي
هيدا العالم صاير ظالم
آه يا حسره عليه.
الدنيا بتضحك للي بيضحك
بالأمل بترويه.
والمكشّر والمتعكّر
مابتسألش عليه.
قالوا لي الصبر طيب
شو حكيو وقالوا
تاري زمن القلب الطيب
ضيعان رسمالو
حتى الضحكة صارت تبكي
من حزنها عليه.
الدنيا بتضحك للي بيضحك
بالأمل بترويه..
واللي مكشّر والمتعكّر
مابتسألش عليه.
محمد عزو حرفوش..
ليست هناك تعليقات:
إرسال تعليق