كسر جدار الصّمت ... نبطيّة ساحرة لأميرة الأصالة الشّاعرة تهاني سلطان

كسر جدار الصمت.. {نبطي }

كسر جدار الصمت

 قول وإحكي ما بدالك.. 

يا    وليف الروح 

أتعبني يالغالي دلالك..

حياتي كلها ليك 

وما أرضى ياحبي بدالك.. 

سايق عليك الله 

تخبي يا عمري جمالك.. 

خايف تصيبك عين 

أتعب ويضنيني غيابك.. 

جرحت تراك القلب 

بصدك وقلة سؤالك... 

متى تجيني يالغلا  

وتسعد القلب بسلامك .. 

غريب الطبايع إنت 

وإحترت ياولفي بطباعك..

قولي أحبك قولها 

وأسعد الروح بوصالك.. 

فديتك يا أعز الناس  

ياويلي من كثرة غلاتك.. 

يا فرحة أحلامي حبيبي 

قلي خبرني علامك.. 

كسر جدار الصمت 

قول وإحكي ما بدالك..

       

                                   تهاني سلطان.