وكيف ما بدو ينحب ... محكية لمبدعة الحرف الساحر إنصاف قرقناوي

و كيف ما بدو ينحب..

و هو بنظري أجمل شب..

و وقت يقللي أنا بحبك..

بحس بقلبي ولع و هب..

دخيلو وقت بيحكي..

تقولو نار عليي كب..

بصير متل البنت الهربانه..

الخيفانة تحب و تنحب..

إجا بنهار و غنالي..

و قلي ما غيرك يحلالي..

شو عملتي فيني إنت..

شقلبتيلي أحوالي..

خليتيني إكتب شعر..

و غنيلك بموالي..

يسلملي جمالك إنت..

قلبي فيكي والله داب..

دلوعة و بيلبقلك..

من بعدك الصفحة سكرت..

و قفلت بوج الماضي الباب..

بدي حبك إلك و بس..

و لغير عيونك إنت..

ما ممكن أعمل أي حساب..

شو بحبك وقت تقولي..

اشتقتلك قد الدني..

يا عمري و كل الأحباب.. 

#إنصاف_قرقناوي