الشاعر مدين رحال:
...........................
قصيدة زجل: ٢١ /١ ٢٠٢٠/
................
بعد ما الهمّ خيّم عا حياتي
و فكري عاد نفحة ذكرياتي
وبعد ما صرت سيّد بالوجاها
عزيز وفخر فعلي بصدق ذاتي
جايي اليوم احكي في نزاها
و اعمل بالقصيده واجباتي
الشعر ترتيلتي فكاري مداها
القوافي عزوتي حروفي بناتي
ياما ناس في عندن سفاها
نِسْيو كيف عاشو عا فتاتي
اجو ت يصغرو حجمي بشراها
ليش الربّ عاطيني هباتي
هيدي الموهبه العاطي عطاها
بحما الرحمن بعمل معجزاتي
و عين الحاسده تبلى بعماها
بعرف هيك عم بتنطر وفاتي
رغم الحقد في ارضا وسماها
ما فيهن ينكرو اصلي وصفاتي
الله يسامح ال نفسو بهواها
تهدم كلّ اصحاب المواهب
بْجهالة نفس فيها الريح عاتي
............................
كلماتي وبقلمي انا مدين رحال
ليست هناك تعليقات:
إرسال تعليق