(( خلص الحكي ))
خلص الحكي
وماعاد بالدنيا.. حكي
هيك الدني...هيك الحياة
منخلق....ومن بعدا ممات
ساعة فرح......ساعة بكي
خلص الحكي.
خلص الحكي..
ودبل تفاح......خدودها
دبلوا.......ورودها
ويبست... زهور اليلكي
خلص الحكي
وطاروا نوارس
بحرها ال بعيونها
وغفيوا ع شط شفونها
موجاتها ال ملبكة
خلص الحكي
خلص الحكي..
وعتم نهار الربيع
والموت جايي
وهاجم ليلو ع السريع
حامل هموم وقهر
وبرد....... وصقيع
وع مخدة التابوت
جايي يبكي ويشتكي
ولك خلص الحكي
خلص.......الحكي
خلص الحكي..........مات العطر
ماتوا البشر.............صاروا خبر
بقلب الكفن مدفون جوا بالقبر
وصار الخبر..............فوق القبر
منقوش.... ع شاهدة من حجر
وع الشاهدة مقضي.. عمرو مرتكي
ولك خلص الحكي... خلص الحكي.
أحمد أحمد الرسام الصغير / سورية / طرطوس.
ليست هناك تعليقات:
إرسال تعليق