مابدلك بالدني :
ما بدلك بالدني مادام في
ليل وقمر
ومادام ها القلب عم يرف
ونازل بدفاترك
تفصيح...
عم يغزل من حروفك بقج
مطرزة بالعشق
تطريز
ومن رموشك خيمة وطن
عالكون بدها تشيخ...
أنا وأنت عم نلتقي بالليل
على حفاف الشجر
والريح...
مرات بياخذنا السهر مشوار
و منضل ناطرين القمر
ليزيح...
تضم ألي من ليل شعرك
شي غمر
لشم منك عطر بطعم الورد
والشيح..
عم ترقصي عا حفة اللهفات
والشوق نازل بهالقلب
تجريح...
ولو..خخفي من عيونك اللفتات
ماعاد فيي هالقلب بدو
يصيح....
يل ساكني أنت والقمر جيران
عطيتك بقلبي سكن وبيت
ومفاتيح....
هونيك بيكبر الحب ع مهلو
وبيضمك والبعد خوان منو
مليح...
بقلمي: مفيدأبوفياض
ليست هناك تعليقات:
إرسال تعليق