من الصعب إني اليوم إبدا من الصفر
بخصر الشقى مربوط جنزير العمر
وباقي ع ضفّة نهر طايف بالبكي
من وين بدّي مر مكسور الجسر
قاعد على الأطلال وحدي ومرتكي
عا كتف حالي وصار ياكلني الصبر
يا هالدني على مين لازم إشتكي
عليكي أنا ولّا على جنون العصر
عم تندعس قدّام عينك ليلكي
وعم ينتحر كل يوم ع جبالك نسر
والحب فيكي صار كذبة محنّكي
رجعت شريعة الغاب تغتال الفكر
وموسوعة الأحلام صارت فزلكي
وصار الوقت بيقيس حالو بالشبر
نسيت النعس والصمت نسّاني الحكي
وصار القلم مشتاق عا ريحة حبر
ورحمة ضمير الحق ما عدلي قلب
إحمل همومي وفوت عا بيت الشِعر .
ليست هناك تعليقات:
إرسال تعليق