بقلمي الحاج هلال
.... ،،،،،. ........
دوده بتغزل حبلها
تدخل وتقفل قبرها
على نفسها
فى االشرنقه
بلا مشنقه
يقتل قابيل أخوه هابيل
ومكنشي بينهم مستحيل
ولا معركه
يشوف غراب يدفن غراب
ويعلمه قبر التراب
من يومها وليوم الحساب
بلا تريقه
وافهم بقه
فيه محكمه
وغراب بيحفر مستطيل
علم قابيل يدفن هابيل
وكل جيل من بعد جيل
فاهم كده
القبر آه ضيق صغير
الشر شر والخير بخير
بالعمل يوسع كبير
وخلاص فهمت المسأله
دوده بتغزل حبلها
لله تسلم أمرها
تدخل وتقفل شرنقه
في غزلها بلا مشنقه
ولاتريقه
فكر في هجمة أبرهه
والقوه فيل بيجرها
أبرك يافيل قال مستحيل
دي الكعبه قبلة ربها
ولاضرها
أحجار صغيره مع طيور
جايين طابور وراه طابور
وجيش أبرهه راح وانتهى
والتوبه للي ناوي خير
مش أبرهه
ولآ اللي ناوي يكون قابيل
ولآ اللي مع أخوه بخيل
ولآ اللي خاين فعله باين
ولآ اللي ناكر للجميل
بالهمبكه
ممكن نعيش لو مية سنه
طب بعدها مين قال أنا
وغراب هبيل هيكون هنا
والدوده هه بتقول لنا
على نفسها
غزلت حريرها وحبلها
دخلت وقفلت قبرها
في الشرنقه بلا مشنقه
.... ..... ....
بلآ تريقه
،،،،،،،،،،،،،،،،،،،،
بقلمي الحاج هلال
ليست هناك تعليقات:
إرسال تعليق