بعد الغياب ماكتب
هالسنين؟
كيف الدرب الكان ياخدك
ع العين؟
كيفا جرة الفخار ؟وين صارت
وين؟
بعدو النبع محتاج ورقة
التين؟
كيف الشجر حول هالبيت
الأمين
والجمر بعدو متلهف يبوس
بالعجين؟
المدرسة. شو خبارها ورفقاتنا
الحلوين؟
بعدا ضحكتن بالبال، أنغاما
رنين
هاك القمر ع وجهك مضوي
الجبين
رفيق الصباح وبسمتك مابعرف
لمين!!
بعدو بيطلع معك؟.... مافارقك
تخمين!!
والورد بعدو بيسرق عطرك
بتشرين؟
كيف العسل بعيونك كيف
الحنين
ليوم الكنا صغار وتاخدي
قلم تلوين
ترسمي قلبين ب بعضهن
فايتين
وارسم حولهم بيت بوابو
مقفلين
شو بسألك؟ ت أسألك وقفت
دمعتي بالعين
ياريت بعدنا صغار ونضل
واقفين
ع باب داركن متل جوز
الحساسين
يمر الزمان وينسى تنين
عاشقين
ابراهيم سلمان رستم
ليست هناك تعليقات:
إرسال تعليق