* الأم *
يا أمْ يا نِعْمِةْ شِفَاء بالدار
رْكِيزْةِ الكَونِ عْليَّ وْصِيِّة
يا عينْ ما بِتنامْ ليلْ نْهار
يا قلبْ خالِي مْنِ الأنانية
مِينْ مِثلِكْ ع الطِفِلْ بِغار
وُبْشَّبْعُو مْحبَّة وْصَفا نِيَّة
الأم شَمْعِة عاطْفِه وَأَنوار
لو بْتِنْطْفِي بِتْضَل مَضوية
لوْلاَ حنانِكْ ما بْتِعًمرْ دار
ولا شعَّت قْنًادٍيل حُرية
زَهرِ الرَّبيعْ وُهيِصْةِ الأَطيَار
هُوِّ منْ غْنَانِي الأمْ غِنِّيَة
وُكُلِّ الحَلاَ والعِطِرْ والأَزْهارْ
قَلبِكْ عْطَاهُن لٍلدنِي هْدِيِّة
لوُلا حَياتِي نْظَمْتْها أشعار
وُبْدَمَ قَلبِي كْتَبْتْ لِك وَفِيِّه
بِتْضَل أَفضالِكْ عَليَّ كْثار
نبضاتك داخل قلبي هوية
حملت عنا همومك والاسرار
أمانة مثل شرائع سماوية
إن غبت والروح مني برية
روحي رَدَيْتها لِلْحَتطها فيَّ
قسطة مرزوقة
20/03/2022
ليست هناك تعليقات:
إرسال تعليق