دلعونا . .
~~~~~~
لما بحروفك علقتي وطليتي
جمرة بقلبي و الله رميتي
عالوتس ومسنجر وبقلك خيتي
أما شخصيا" أنا ملعونا
سمعيتو مرتو يحكي بالهمس/ي
قالت يا ويلي غربت شمسي
راحت وعودو بليلة عرسي
يلعن بو اللي اخترعك يا التلفونا
قالتلا الجارا :
لك شوفي حالك لك شوفي حالك
سمرا مزيونة زايد جمالك
رفعي راسك الدلع يحلالك
وعلية الكبرة أحسن بيكونا .
قلا اتهدي شوي ولا تشوفي حالك
رح كسر راسك لو عنتر خالك
بالحب و طاعة المر بيحلالك
و بالحب يا روحي بيعمر الكونا .
بتضلي تقولي عني نسونجي
وانا عيوقه/ا و مانك من خرجي
بدي رجال و للعالم فرجه
أتباها فيو قدام الكونا . .
أنا عالغالي أهلي ربوني
وبلوني بلوة و عندك رميوني
إيامي عندك عخبزة وزيتونا
ويلي ما اشطرك عالتلفونا
قلتلا تهدي شوية حاجي تتعلي
خاف من الغيرة تجيكي علة/ي
من شغلة صغيرة تصيحي يا دلي
لوبدي غشك عندي مليونا . .
إلك لحنت و غنيت غناني
ليشو عطول بشوفك زعلانة/ي
الدلال بيلبقلك وشوية تقلانة/ي
بتسوي يا حلوة صبايا الكونا .
من الواقع . .
بقلمي محفوض أبو فراس
ليست هناك تعليقات:
إرسال تعليق