هات يا ابني ايدك ما تعاندش
امشي معايا ما تبتعدش
انت مش عارف بأنك نن عيني
قافل عليك جواها ومغطيك برمش
*********
اياك تظن آن طريقك غير طريقي
لو فهموك إن أفكاري قديمة مش حقيقي
انا ابوك اللي طول عمري بحبك واخاف عليك
ودي حاجة واضحة مش حاجة صعبة ما تتفهمش
********
لو شايف انك جيل واحنا جيل
وتقارب الأفكار ما بينا مستحيل
هتفضل ابني حبيبي واقرب خليل
واتمني تعيش عمرك معايا ما نفترقش
*********
يا ابني تعالي معايا ما تعصنيش
اخاف عليك تمشي في طريق ما يتمشيش
في الدنيا دي انا غير سعادتك يا حبيبي ما يهمنيش
اسمع نصيحتي انا اللي نصحي ليك ما فيهش غش
انا ابوك
*********
حمدينو الشهاوي
ليست هناك تعليقات:
إرسال تعليق