يا شام مدّي شرشف الغفران
وغطّي الوطن وتكحلي بنيسان
من ياسمينك هالحلو الشامي
حنّي الأهالي تزنري بالإرجوان
وصلّي معي في عيد القيامه
يقوم الوطن من فرشة الأحزان
موعود تخلص كل آلامي
وفوت بيميني وغافل النسيان
فيكي أنا رح زور أحلامي
انشالله بعد ما تغيّر العنوان
حملت الأماني وجيت لا تنامي
تا عايدك يوم المنى وفزعان
يطلع شي عتم جديد قدّامي
واتفركش بدمعة طفل جوعان
واتزحلق بضحكات الحرامي
واتوجّع وما يكون بالحسبان
الفساد يكتر والجرح دامي
ومع هيك عندي بالوطن إيمان
من جديد عم يولد وطن سامي
وبكتير أحلى كتير مما كان .
عيسى فضة ْ
ليست هناك تعليقات:
إرسال تعليق