الكبير بيضلو كبير..... للشاعر سليمان اسود

الكبير بيضلو كبير
....................
حفظ الله البلد وقائد البلد
وكل شريف في هذا البلد
.....................قصيدة بعنوان
الكبير بيضلو كبير
...................
يا اما عاقل بتكون.           او مجنون بتخشيبي
ما قالو الجنون فنون.        وقلة هالعقل مصيبي
            ..........      ..........     ......
كل واحد عامل قارون.      وشايف حالو كتير كبير
بمصرياتو تنعشر لون.        سرقة وتشليح وتعتير
عقلياتو مدري شلون.        دخلت ميدان التقصير
كان معتر او مجنون.         من قبل حرامي ميصير
واليوم باسم القانون.       بيشيل الزير من البير
وين الحكمة كف بتكون.    ما عنا جنس التدبير
الاصلي عمرو ما بيخون.    وبيضلو الكبير كبير
                    موقر عنوانو الهيبي
شفنا كتير وبعض الناس.    بكذبة بتبرور حالا
ما فيها جنس الاحساس.     هما زيادة اموالا
خلطت عباس بدباس.        ما بتعرف الله لا لا
هما الاول شرب الكاس.      ووحدي خانت رجالا
ع الباب وحطت حراس.     عم تتباهى باحوالا
الما عندو عقل بينداس.     ما هيدي الله  قالا
ما في شغلي بترفع راس.     متل العقل بيتعالى
                   العاقل  ما عندو عيبي
بقلمي انا سليمان محمد اسود..