رحمه ونور
،،،:::،،،:::،،،:::،،،:::،،،:::،،
وحشاني ست الحبايب
...... .......القمر عن عيني غايب
وحشاني هي وأبويا
................مشتاقلهم قلبي دايب
كانوا لينا حضن دافي
.....................يجمعوا كل الحبايب
والنسايب. والقرايب
................. ويسألوا على كل غايب
رايحين وجايين عليهم
..................والحنان والحب زايد
والتعبان يواسوه شويه
.............ويسألوا عن حد غايب
وحشاني كات بتلاغيني
.................. برمش عينها وتناديلي
وتعرف إيه اللي شاغلني
................وتدعيلي والقلب دايب١
وحشاني هي وأبويا
.............وواحشين أختي واخويا
وكل كلمه بنفتكرها
................ وحشانىي لمسة إيديها
وحنيتها كتير علينا
...........وحلاوة نظرة عنيها
والدعاوي الحلوه لينا
........... ... والطيابه والطهاره
والفطره الحلوه السليمه
.............. بالأماره يا أميره
أمي يا أكرم كريمه
............... حبيبت كل الحبايب
وحشتني وقلبي دايب
............ وحشاني هي وابويا
قمرين وراحوا فين
.......... وحشاني وفين الأماني
لتنين كانوا نور العين
..........والقمر والشمس فين
يرحم القلب الكبير
.......... نور في بيتنا والضمير
والأمان والإطمئنان
........... للكبير و للصغير
ألف رحمه ونور عليهم
............. وجنه عاليه يا رب ليهم
أمي يا ست الحبايب
.............وأبويا كان قلب دايب
نور العين وانتوا. لتنين
........... قمر وشمس عني غايب
،،،،::::،،،،::::،،،،::::،،،،::::،،،،::::،،،،
رحمه ونور
مع تحياتي الحاج هلال
ليست هناك تعليقات:
إرسال تعليق