رقيقة متل النسمة
قربك مني نعيم
وبعدك جمر بيكوي
طيفك دوم معي
كلماتك بضل برددها
بحكي معك وبناجيك
معقول ماتكوني عما تسمعي
عيدك هل وانت بعيدة
وعالقبر هيه هديتك
كنا نقول الله يطول بعمرك
هلق للاسف بنقول الله يرحمك
عتمت الدنيا على فراقك
وزادت نجمة بالسما
كل ماهل طيفك عالأرض
شعاع من بعيد بينور
وبتترسم صورتك عالأرض
والضحكة مزينة وجهك
لحظة وبيطفئ الشعاع
وبيغادر طيفك الأرض
وبيأخذ معه محبتي إليك
لتكون معك زوادة لترجعي
من جديد وشوف طيفك جنبي
فيليبيا مقليع
ليست هناك تعليقات:
إرسال تعليق