حلم
صدفة التقينا والقدر جمعنا سوا
لا أنت بتعرفيني ولا بعرفك أنا
تجلسي عالمقعد قبالي و بإيدك كتاب
وأنا من بعيد عم خربش عالورق رسمات
و كل ما عيوني غصب عني عليكي اطلعوا
بتكون عيونك عم يبادلوهم النظرات
والقلب عم يعزف النغمات
والأحلام عم ارسمها عالورق قدامي
إنت وأنا عرسان والأحباب ترقص وتغني الأغاني
وفجأة بفيق من حلمي الجميل
بدور عليكي.. ما بشوفك قبالي
بتنزل دمعتي عالوجنات حرقة
وتسقط عالورق تمحي أحلامي
بحمل دفتري والأقلام....
بمشي بين الزهر والنجوم بالسما سهرانة
بلمح من بعيد شهب عم تنزل مضواية
و بمد أيدي التقط شي شهاب
بلاقي محبوبتي حبي الوحيد
أميرة منورة.. رأسها على صدري وغفيانة
بقلمي عمار يوسف
ليست هناك تعليقات:
إرسال تعليق