بعلم التفسير
بسرق بوسة من خدا وبالنشوة بطير
و بخفق جناحاتي بحلق متل العصافير
ولو بدي ساوي الفكرة بعلم التفسير
غير بحضنا هالدافي ما بحط رحال
بحايل كحلة عينيها لغاية ما تفوق
ومنها بعمل لقلبي سيرة ومعشوق
بهدي راسا على كتفي لحتى تروق
ومن انفاسا بستجدي لحن الموال
بضما للصدر بقوة ومن غير احراج
حتى بروحي أتجاوز حاجز السياج
ولما بتعطي أوامرها بمخر الأمواج
بتمنى أبقى مركب وشراعي الشال
نفسي اغرق بليالي عينيها السود
وبين الليلة والليلة اقطف الورود
ونفسي ابقى متمرد على الوعود
وغير حال الليالي من حال لحال
طعم لونك ايامي بهوى الحلوين
متل هبوب عواصف على تشارين
وبالفي التحت جناحي لم السنين
ووزع بالقسط عليهن حلو الآمال
حتى ما يبقى عاصي يشكي ويدور
يلطي بحد النواصي ليسرق منتور
ينسى بالطرف القاصي خاطر مكسور
ويرجع بالحب العذري لفوق الأطلال
يرجع والراس العالي يناطح الغيوم
راحة بالك يا عاشق ما بدها هموم
عليك وع الكل انشالله الأيام تدوم
ويبقى للحب مساحة حوالي العرزال
ناصيف شرباجي
ليست هناك تعليقات:
إرسال تعليق