♡رباب♡
بخاف عليك يارباب
من البرد الواقف عالباب
و على كحلة عينيك بخاف
يدوبها سحر الهداب
بخاف عليك ترتسمي
ع شفافي متل البسمة
تهب عليك شي نسمة
وتتركني من غيرعناب
من قسوة ليلة شتا
لا فيها لوم ولا عتاب
ولا حرارة قلب يدق
ولا صبا بعهدة شباب
بخاف على صحون المرمر
تدبل واكتر تتقهقر
يضيع منهن طعم السكر
وما يبقى النا أسباب
بخاف على جيد المها
وع اللمى وع الزهزها
بخاف على الشوق ينتهى
و عالشفة بقايا رضاب
بخاف عليك من عيوني
ومن نظراتي المجنونة
بخاف خبي منك مونة
وصحابي يبدو الاعجاب
بخاف غنيك على عودي
تصيري متل الموعودة
لافيك تروحي لبعيد
ولافيك لورا تعودي
رح غنيك ع الرباب
/ناصيف شرباجي/
/سوريا/
ليست هناك تعليقات:
إرسال تعليق