عالم مجنون
(عالم مجنون)
عالم مجنون
ديما مفتون
وماهوش موزون
إيه بس تكون
أخرتها معاه
***
الكل تراب
هينام فى تراب
فى الآخرة حساب
وسؤال وجواب
يرحمنا الله
***
ليه بس الناس
بتعيش فى حروب
والحب إنداس
جواكى ياقلوب
حتى الشيطان
سكن الإنسان
حوله شيطان
خلّاه يصنع
قنبله مدفع
وكمان يزرع
ألغام فى خطاه
***
تتهد بيوت
وشعوب بتموت
الوقت يعدى
علينا مأساه
***
ليه بس يموت
برصاصه برئ
والورد النادى
يصيبه حريق
ضاع الأمان
وي التفريق
والحب ماعادش
عارفله طريق
والسلم ف بحر
الحرب غريق
والخير فى عيون
الشر ردئ
الأرض خلاص
مابقتش تطيق
بتقول كفايه
ياخلق الله
***
عايزين نرتاح
ونشوف أفراح
وكفايه جراح
مع قولة آه
***
الحب ياناس
هوه المطلوب
ليه شمسه كده
ديما فى غروب
يسلام
يسلام
وكمان يسلام
لو كل الدنيا
تعيش فى سلام
حتلاقى أمان
كل البلدان
والخير هيبان
على كل مكان
من فضل الله
ولا حد يكون
فى دمار ونيران
ولا حد يعيش
مسكين وجعان
ولا طفل يبات
فى شارع عريان
ولايبقى ضعيف
مهضوم متهان
وتعود الرحمه
إلى الإنسان
ويعيش فرحان
بالهنا مليان
ولا يبقى جبان
يهدم بنيان
يظلم إنسان
من خلق الله
***
دالحب جميل
ومالهش مثيل
وانا عندى
ألف دليل ودليل
بيبان على كل
كريم وأصيل
وياريت الدنيا
تعيش معناه
والكل يشيل
جواه الخير
دالخير ده حياه
للدنيا نجاه
مفروض على كل
كبير وصغير
واجب على كل
غنى وفقير
ياصباح الخير
يامساء الخير
ع الدنيا وع الأزهار والطير
ع النسمه المليانه عبير
ع الكلمه اللى حروفها سلام
يسلام يسلام
الله الله
الله الله
**********
شعر
شاعر الإحساس
رضا عبد الحميد
ليست هناك تعليقات:
إرسال تعليق