وجهك مثل البدر مدور ..
قلبي وعمري بنورو نور
الله فتش الله دور
جاب رخام وجاب المرمر
حتى صور وجهك أسمر
أجمل صورة ربي صور
لون ع وجناتك أحمر
كل الحب بقلبي ثور
يمكن الله استلك مني
حتى جابك صورة عني
وقلي خذها هذا فني
من أجلك يا شب الأسمر
عمري قبلك كان معثر
شفتك مرة قلبي اتشطر
وجهك طولك جسمك شعرك
كل شي بروحي وعقلي اتصور
وكل مرة بحلم لاقيكي
كل مرة القلب بيتحضر
تيقلك شو حاسي فيكي
قلبي بحبك ذاق السكر
دقاتو عما تناديكي
وعا ذكراكي دوم بيسهر
وكل مرة فيها بحاكيكي
بيثمل قلبي وفيكي بيسكر
شو بيتمنى يضمك حدو
لكن دوم بيلزم حده
تا يبقى عالذكرى مخدر
يا روحي قلبي وحياتك
طفل تربى ع دياتك
من همسة ونغمة ضحكاتك
كبر الطفل بحبك أكثر
من صدري من قفصو طير
عندك راهق حتى تهور
بدو حسنك بدو قلبك
بدو عيونك بدو ثغرك
جاكي طالب كل شي فيكي
بلكي هالحب بيتطور
بلكي من تعبه بيتحرر
بلكي من وجعو بيتطهر
من حبو بيغار عليكي
من نسمة تمر حواليكي
حبك عشقك عندك بخر
بخورو من عطرك عطر
إنتي المعبد إنتي المطهر
يا أحلى ما ربي صور
قلبي عالذكرى بيتخدر
تحياتي والورد
برصوم كساب
ليست هناك تعليقات:
إرسال تعليق