/ عابر سبيل / محكي
صدفة التقينا
بموسم ليالي الهنا
حبيت هالقد الجميل
زرعتي زنابق
حب بالقلب اغتنى
وكان الفرح أكبر دليل
وبلّش حصاد
العشق والموسم جنى
والوقت ياحلوي قليل
صرتي ع مفرق
ليلتي شمعة منى
وقلبي إلك قنديل
وصرتي علامة
فارقة بعمري انا
قدّام عين المستحيل
ولمّا الصبح
قرّب ع كوع المنحنى
ما ضل في عندي بديل
وراق الوقت
بتهر والغصن انحنى
صوب الرحيل
خلص الحكي ليش البكي
مازالني
مرّيت عا قلبك انا
عابر سبيل !!!! ( د. عيسى فضة )
ليست هناك تعليقات:
إرسال تعليق