الكحلة ع العين
بتستحلي الرمشين ..
والنظرة من عينك
بتصيبني بسهمين..
سهم بصيب القلب
و بيطير ع الميلين..
وسهم بياخد الروح
ع السما نجمتين..
يا بيت مصلوب
بحلوة موردة
الخدين..
الصبح لما وعي
ع صوتها ترندح
قصيدة كلمة بكلمتين..
أنت القصيد والروح
والبيت مطرحو بالقلب
سكانو بيزيدو العمر عمرين ..
و ع درب بيتنا تخمين
عبقت ريحة ورد
والظل صار ظلين..
لما الفرس جفلت
بصوتها المبحوح
الكحل داب ع العينين..
نبيل قزي
ليست هناك تعليقات:
إرسال تعليق