طل الفجر وفرق النجمات
زعلوا كثير ومن السما راحوا
وكاسي معبى هموم مع آهات
اشرب تإنسى القلب وجراحوا
شاعر أنا عم طرز الكلمات
تاحمﻻ أسرار ما انباحوا
وأبدع قصيدة حروفها نهدات
من قلب انعدمت فيه أفراحوا
ونسمة عليلة تعرق الوردات
والديك يوعي الصبح بصياحو
وراعي يقوم يسرح الغنمات
وبستان يضحك طل فﻻحو
وتنورنا . والخبز . وحكايات
وايدين امي البعد ما ارتاحو
وعصفور رندح أجمل النغمات
وختيار قاعد جنب مشطاحو
يا ضيعتي يا ملعب البسمات
بأرضك نسايم فرحنا فاحوا
جوزيف رداح
ليست هناك تعليقات:
إرسال تعليق